D 色鑽石
D 色 —— GIA 顏色分級最高嘅一級
鑽石顏色由 D 排到 Z，D 代表完全無色。天然鑽石帶少少黃係常態，越接近無色越少見，價錢亦越高。呢個系列入面每一件，主石色級都係 D。
點解同樣 D 色，價錢可以差咁遠？
色只係 4C 其中一項。同樣 D 色，0.30 卡同 1.00 卡完全兩回事；淨度由 VVS 到 SI 都有，車工亦分 EX 同 VG。所以系列入面有萬零蚊入手嘅款，亦有六位數嘅大石 —— 唔係質素參差，係四項條件唔同組合。想收窄，用左邊嘅篩選器揀石重同淨度。
點解可以肯定係 D 色？
色級唔係大昌自己評，係跟鑽石證書上面嘅評級。冇證書嘅鑽石我哋唔會標色級，所以入到呢個系列嘅款，產品頁都列得出證書號碼，你可以自己上發證機構網站查。
想睇實物
北角同西灣河兩間門市都可以即場試戴，唔使預約，唔買都得。唔方便親身嚟，喺產品頁撳 WhatsApp 可以索取實物影片。
